Lirik Lagu Cinderella - Anak Kampong Ft. Valen NGP

Pernah S ahttps://www.afyinfo.com/

Lirik Lagu Anak Cinderella - Kampong Ft. Valen NGP 

Pernah sa hadir dalam
Bahagia yang mendalam
Ada satu janji yang topang sa berdiri
Ingin sa buka pintu masa lalu

Tapi hanya sedih yang sa temu
Sa tau takdir tra berpihak 
Tinggalkan tempat yang sa berpijak 

Rap l :
Ey awal bertemu semua tara mudah
Koi adalah impian banyak pemuda
Sa di antara yang pernah mencoba
Yang ingin miliki ko punya hati namun dua
Kali sa mencoba kini jadi karunia
Ko jadi alasan apa arti bahagia 
Sa terus bersyukur sampe kini sa bersumpah
Sa su bisa rasa nyaman namun pisah
Ko yang dulu mampu buat hati ini yakin 
Namun ko sendiri buat sa di terpa angin
Berulang kali sudah sa jelaskan
Tapi ko memilih dengar orang lain katakan
Dong berbohong ko percaya sebuah gosip 
Apa daya cinta setahun sa titip
Sa terhempas bagai butiran debu
Sa berharap semua luka ini kapan sembuh
Sa tra berdaya menanti di dermaga 
Tahan ko pu cinta lama lama sa su jaga
Sa berdoa dalam kamar sa menangis 
Apa boleh buat ko dengan dia semakin romantis 
Apa ini sa pu kado malam natal
Sa kecewa tahan rindu polo batal
Dan percuma kini sa menyesal 
Seharusnya dulu tong tra pernah baku kenal
Bukan sa yang pertama ko bawa ke rumah
Ada yang lain ko berbohong dan su lama
Sio sayang kini sa kecewa
Kenapa ko tra jujur semua dari pertama
Entah dimana sa pu bunga mawar elok
Kini sa su di benci oleh banyak sosok
Sa Termenung dalam kamar sa terpojok
Berharap ko deng dia bahagia di hari esok

Dan kini sa sadar su tra sama
Ko su bukan lagi bunga yang sa punya 
Angin bawa sa pergi dari debu kenangan
Bawa sa jauh dengan hembusan yang kencang

Waktu su menjawab sa harus pergi
Cerita dongeng cinderella telah berakhir 
Habis sudah disini 
Tra usah ko kembali

Rap ll :
Hey ko apa kabar senantiasa 
Sa bertekun belum biasa 
Sakit melekat pedih terasa 
kembali menjulang ikut membasah
Hadirkan hangat pelukan
Di saat rasa mulai membeku
Dalam sepi kau ku perlukan
Sejukan jiwa yang tara tentu Baah.
Rindu berliku senang
Ada hati yang mengeluh perang
Ko balik tempo dan gelap ganti terang
Agar hati nyaman dalam tenang
Nurani sedih deng maksud
Ikuti bimbang sa hanya salut 
Setelah berakhir benci su sambut 
Sa diam di sakit dan itu berlanjut yee
Ko hanya bimbang setlah
Cinta su pindah ke hati seblah
Sakit sa trima pendam sa telan
Setelah itu rindu tekan
Apakah rindu telat
Setelah galau tong berteman
Itu makna arti berpesan
Atau kah karma pas ada beban
Semua kelam janji terkore saat ko dekat
Selimuti dingin makin ko dekap
Semua aman pas koi tetap 
Temui rindu dan cinta lengkap
Akan kah semua kembali
Jangan ada sesali
Jika rindu berpalih 
Yakin semua dan ko awali

Dan sa terkurung dalam ruang sepi 
Tuhan lepaskan semua rasa ini 
Mungkin sa bukan yang di ingini
Ini kah kado spesial yang ko beri 

Hujan membasahi kertas cinta ini 
Dan sa terpojok di ujung cerita ini
Oh... Oh...
waktu tolong berhenti
Dan bawa sa pergi 

Dan kini sa sadar su tra sama
Ko su bukan lagi bunga yang sa punya 
Angin bawa sa pergi dari debu kenangan
Bawa sa jauh dengan hembusan yang kencang

Waktu su menjawab sa harus pergi
Cerita dongeng cinderella telah berakhir 
Habis sudah disini 
Tra usah ko kembali

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel